ქართული მთის რუხი ფუტკარი, მსოფლიოს სამი ძირითადი სახეობიდან ერთ-ერთია. ქართულ ფუტკარს აქვს ლეგენდარული უნარი, დიდი რაოდენობით თაფლი აწარმოოს ცივი ამინდისა და ცუდი პირობების მიუხედავად. საქართველო არის ამ ქვესახეობის ცენტრალური სამშობლო. ქართული ფუტკრის ხორთუმის სიგრძე ყველაზე დიდია ფუტკრის ჯიშებში და შეადგენს დაახლოებით 7.3 მმ. გრძელი ხორთუმის წყალობით ქართულ ფუტკარს შეუძლია შეაგროვოს ნექტარი ისეთი ყვავილებიდან, რომელთაგან მის კონკურენტ სხვა სახეობებს არ შეუძლიათ.
ქართული მთის რუხი ფუტკარი მნიშვნელოვანი სახეობაა მსოფლიო მეფუტკრეობისთვის. ქართული ფუტკარი შეერთებულ შტატებში პირველად მე -19 საუკუნის მიწურულს შეიყვანეს, ძირითადად კომერციული თაფლის მწარმოებელ საფუტკრეებში. ქართული ფუტკარი ასევე ცნობილია როგორც
Apis Mellifera Caucasia. სხვადასხვა ქვეყნის წამყვანი მეცნიერები გააოცა ქართული ფუტკრის თვისებებმა; ყველაზე თვინიერია, შეუძლია იფრინოს უამინდობის და მცირე წვიმის შემთხვევაშიც, აწარმოებს უფრო მეტ თაფლს, ვიდრე სხვა სახეობები.
საერთაშორისო გამოფენებზე ქართულ ფუტკარს მიღებული აქვს 3 ოქროს მედალი:
1961 წ. ქ. ერფურტი, გერმანია, მებაღეობის გამოფენა.
1965 წ. ქ. ბუქარესტი, რუმინეთი,მეფუტკრეობის საიუბილეო 20-ე საერთაშორისო კონგრესი აპიმონდია (APIMONDIA) და
1971 წ. ქ.მოსკოვი, რუსეთი, მეფუტკრეობის 23-ე საერთაშორისო კონგრესი აპიმონდია (APIMONDIA).
